Aktiwnje po Hornjej Łužicy
Derje wutwarjena syć kolesowanskich a pućowanskich čarow po Hornjej Łužicy rozpřestrěwa so wjacore tysacy kilometrow hač do Pólskeje a do Čěskeje republiki.
Do kolesowanskich čarow, wjeducych přez cyły region, słušeja kolesowanska šćežka podłu Wódry a Nisy kaž tež Žabjaca a Sprjewina kolesowanska šćežka. Tak móžeće sej wotměnjatu přirodu najlěpje wotkrywać. Wšelake tematiske kołojězby pućowacych přeprošuja, sej wosebitostki Hornjeje Łužicy dokładnišo wobhladać. Pječat kwality „Hornja Łužica na kole“ wobkruća, zo stej fleksibelne wupožčowanje kolesow a šěroko zapołoženy kolesowanski serwis zaručenej.
Docpěwši tón abo tamny wjeršk pućujo po Hornjołužiskej hórskej šćežce, wotwěra so pućowarjej wulkotny wuhlad daloko do tutoho pućowanskeho raja. W přitulnych hórskich bawdach so gastronomojo wo ćělne derjeměće staraja.
Lejnjanski jězor
Aktiwne wočerstwjenje w přirodźe skića tež wódne pućowanje po Nisy a Sprjewi - w njedótknjenej přirodźe. Wódni mužojo a wódne žony móža pak so tež při płachtakowanju, padlowanju, surfowanju a wudźenju na łužiskich jězorach wulkotnje zabawjeć.
Z Łužiskej jězorinu nastawa štwórta najwjetša jězorina Němskeje – a z tym za fanow wody tež dale a wjace sportowych poskitkow.