Hospodarski region

Hornja Łužica ma sławne srjedźostawske předewzaća kaž tež mnohe małe firmy a předewzaća srjedźneho stawa, kotrež spožčeja hospodarskemu regionej wotměnjawy, dynamiski a nowotarski raz.

Štó by sej myslił, zo je najmoderniša mlokarnja Europy w Hornjej Łužicy, mjenujcy Sachsenmilch AG w Leppersdorf Abo, zo so tramwajki a dwuposchodowe wozy z Budyšina a Zhorjelca do wšeho swěta dodawaja?

Bombardier Transportation tzwr wupruwuje tuchwilu w Budyšinje prěnju tramwajku swěta bjez přizamknjenja na wonkowny horni milinowód. Tež swětowy koncern Siemens so na Hornju Łužicu spušća.

Siemens AG Zhorjelc je wodźaca na swětowych wikach nastupajo zhotowjenje industrijnych parnych turbinow a je njedawno do noweje produkciskeje hale inwestowała.

Ale tež nowotarske wuwića, kaž baterije na bazy litiumowych ionow firmy Li-tec Battery GmbH & Co. KG abo pilotna připrawa Vattenfall Europe AG za prěnju brunicowu milinarnju ze snadnej emisiju wuhlikoweho dioksida, su w Hornjej Łužicy přikładne. Zhromadnje sylni – tole bě hižo přeco recept za wuspěch předewzaćow w Hornjej Łužicy. A tak so regionalne hospodarstwo tež na sylnosć syćow wěstych branšow spušća. Tute podpěruja firmy předewšěm z kooperaciju při wobstaranju, z rozšěrjenjom a serwisom, w slědźenju a wuwiću, w nutřkownym a wonkownym marketingu abo tež w euroregionalnej kooperaciji.

Přetož Hornja Łužica leži w třiróžku krajow Němskeje, Čěskeje a Pólskeje a zwjazuje tuž třoje zajimawe a do přichoda wusměrjene europske hospodarske wiki. Ludźo a předewzaća so ze swojej historisce zrosćenej Hornjej Łužicu a jeje 1000lětnymi korjenjemi identifikuja. Region njeje potajkim jenož kompetentne hospodarske stejnišćo, ale skića tež wulku žiwjensku kwalitu, kulturnu mnohotnosć a turistiske a wólnočasne poskitki za rjane dožiwjenja. Wosebitostka tu je serbska ludnosć ze swójskej rěču a kulturu. Swojeje mnohotnosće rěčow dla je Hornja Łužica wotewrjeny hospodarski a žiwjenski rum w modernej Europje.

 

Aktualne